Peruskipti

Peruskipti

Peruskipti eru okkar fag. Bílaperur (12V) eru til í allar gerðir bíla og þær eru á hagstæðu verði hjá MAX1 Bílavaktinni. Að skipta um perur í bílum getur oft verið ansi snúið, oft er erfitt að komast að ljósunum og því best að láta vana menn um peruskiptin. Bílljós verða að vera í lagi og MAX1 Bílavaktin á ávallt úrval af bílaperum í aðalljós (framljós), stefnuljós, stöðuljós, þokuljós og samsett aftur- og bremsuljós. Láttu MAX1 um ísetningu á bílaperum.

Við eigum ljósaperur í alla bíla m.a. hefðbundnar bílaperur, Halogen bílaperur, Xenon bílaperur og LED bílaperur.

Hvað kostar að skipta um peru?

Kostnaður við peruskipti samanstendur af vinnu við skiptin og peruna. Kostnaður fer eftir tegund perunnar t.d. hefðbundin glópera, Halogen, Xenox / HID eða LED og hvaða ljós er um að ræða t.d. aðalljós, samsett bremsu- og afturljós, stefnuljós, þokuljós eða númeraljós. Einnig skiptir mál bíltegundin og hversu auðvelt og rúmgott aðgengi er að peru. Sumar perur er hægt að skipta um í gegnum þjónustulúgu, stundum þarf að taka rafgeymi frá og svo eru dæmi að jafnvel þurfi að taka stuðara af bílum til að hægt sé að skipta um peru. Allt hefur þetta áhrif á þann tíma sem peruskiptin taka sem auk verðs á perunni hefur áhrif á heildarkostnað.

Við mælum með að skipta um báðar perur ef um er að ræða aðalljós, samsett aftur- og bremsuljós og þokuljós svo styrkur ljósanna sé eins eftir skiptin. Ekki er æskilegt að snerta perurnar við ísetningu þar sem blettir frá húðfitu geta stytt endingu perunnar og því skal nota hanska við ísetningu.

• Bókaðu tíma í peruskipti og fáðu verðáætlun áður en bíllinn mætir
• Komdu við á verkstæðum okkar og fáðu verðáætlun áður en við hefjum verkið

Ef bókaður er tími í peruskipti þá er verðáætlun send ef óskað er eftir því áður en bíllinn mætir og ef bíllinn mætir beint á staðinn þá er gerð verðáætlun áður en verkið hefst.

Einnig er hægt að óska eftir nákvæmari áætlun áður en tímabókun er gerð með því að biðja Góa snjallsvara um tengingu við þjónustuborð sem áframsendir erindið til viðeigandi sérfræðings sem svarar um hæl.

Til þess að gefa einhverjar hugmyndir um kostnað við perur og peruskipti þá eru hér nokkur dæmi. 

• Peruskipti í stefnuljós og númersljós eru einföld þar sem greitt er fyrir lágmarksgjald 2.547 kr. auk kostnaðar við perur en einfaldar glóperur eru ódýrar og kosta yfirleitt ekki meira en 500 kr.
• Peruskipti fyrir aðalljós (framljós), þokuljós og samsett aftur- og bremsuljós fyrir minnstu aðgerð kosta 2.547 kr. en fyrir aðeins stærri skipti þar sem aðgengi að perunni er þó gott er vinnan 3.820 kr. Ef taka þarf rafgeymi úr og setja í til að komast að aðalljós þá er vinnan 6.367 kr. Ef stærri aðgerðar er þörf t.d. taka aðalljós úr og setja í þá er vinnan 12.735 kr. Oftast er notast við Halogen perur í þessum ljósum og Halogen perur (t.d. H1, H4, H7, H11) eru að kosta frá frá 2.000 kr. til 7.000 kr.
• Xenon perur / HID (High-Intensity Discharge) perur (t.d. D1S, D3S) í aðalljósum eru dýrari en erfiðara er að gefa verðbil og sama á við um LED perur.

Pantaðu tíma á netinu

Hafðu það einfalt og þægilegt og hafðu bílinn í topp standi með því að panta tíma á netinu.