Önnur bílaþjónusta

Hjá MAX1 sérhæfum við okkur í ákveðnum viðgerðum og viðhaldi bíla. Til viðbótar við aðalþjónustu okkar getum við sinnt ýmiss konar einfaldri bílaþjónustu.

Önnur þjónusta sem við bjóðum

Við bjóðum meðal annars:

• Meðhöndlun gangtruflana í bensín- og dísilvélum með viðurkenndum Bell Add-bætiefnum fyrir eldsneytiskerfi.
• Sóthreinsun véla.
• Einfalda skoðun á undirvagni.
• Fjarlægingu ónýtra nagla úr nagladekkjum svo hægt sé að nota dekkin áfram sem ónegld vetrardekk.

Í sumum nýrri nagladekkjum, meðal annars ákveðnum gerðum frá Nokian, eru naglarnir festir í gúmmíið með sérstökum ankerum. Slík festing eykur endingu naglanna en getur gert mjög erfitt eða ómögulegt að fjarlægja þá án þess að eiga á hættu að skemma dekkið eða gera á það göt. Við þurfum því að meta hvert dekk áður en vinna hefst.

Þjónusta sem MAX1 býður ekki

MAX1 tekur ekki að sér viðgerðir sem falla utan þess þjónustuframboðs sem kynnt er á vefnum.

Við sinnum til dæmis ekki stærri bílaviðgerðum eða reglubundnum þjónustuskoðunum. Vegna slíkra verkefna bendum við viðskiptavinum á Vélaland, sem sinnir almennum bílaviðgerðum og þjónustuskoðunum fyrir flestar tegundir bíla.

MAX1 tekur ekki að sér:

• Felguviðgerðir.
• Tjónaviðgerðir, réttingar eða bílamálun.
• Suðuvinnu á undirvagni eða yfirbyggingu.
• Þrif á bílum.
• Hjólastillingu.

Stærð, þyngd og gerð ökutækis getur haft áhrif á hvaða starfsstöð MAX1 getur tekið á móti því.

Sjá nánar á síðunni „Hvaða ökutæki getum við þjónustað?“