Hakkapeliitta 01 valið besta nagladekkið

Nýja Nokian Hakkapeliitta 01 var valið besta nagladekkið í umfangsmiklu prófi sænska bílablaðsins Vi Bilägare. Dekkið hlaut 92 stig af 100 og tryggði sér fyrsta sætið með framúrskarandi árangri við krefjandi vetraraðstæður.

Fullt hús á ís og snjó

Hakkapeliitta 01 fékk 35 af 35 mögulegum stigum á ís og 25 af 25 á snjó. Með 92 stig í heild varð dekkið sigurvegari prófsins.

Sérstaklega vakti frammistaðan á ís athygli. Hakkapeliitta 01 var með besta beygjugripið á ís meðal þeirra dekkja sem uppfylltu reglur um útstæð nagla, og prófunaraðilar lýstu dekkinu jafnframt sem því auðveldasta í akstri á ís.

Ný naglatækni sannar sig

Hakkapeliitta 01 markar nýja kynslóð nagladekkja frá Nokian Tyres. Dekkið er búið Double Action Stud tækni sem bregst sjálfkrafa við hitastigi og akstursaðstæðum. Við kulda stífnar uppbyggingin og naglarnir standa meira út til að hámarka grip, en við hlýrri aðstæður geta þeir dregist lítillega inn og þannig dregið úr álagi á vegyfirborðið.

Dekkið notar einnig tvær gerðir nagla: miðjunagla sem eru hannaðir með hröðun og hemlun í huga, og axlarnagla sem auka grip í beygjum og við akreinaskipti. Auk þess er Hakkapeliitta 01 búið 3D raufum, Aramid-styrktum hliðarveggjum í völdum stærðum og SilentDrive-tækni til að draga úr veghávaða.

Hljóðlátasta dekkið í prófinu

Nýja tæknin skilar sér ekki aðeins í gripi. Hakkapeliitta 01 mældist hljóðlátasta dekkið í prófi Vi Bilägare, bæði við 70 og 110 km/klst., og fékk hæstu einkunn prófunaraðila fyrir veghávaða.

Vi Bilägare tekur sérstaklega fram góða blöndu af miklu ísgripi, góðu gripi á blautu yfirborði og litlum veghávaða. Aksturseiginleikar á þurru malbiki voru helsti veikleiki dekksins — en þegar öll 13 prófunaratriðin voru lögð saman var niðurstaðan skýr.

Hakkapeliitta 01 fæst hjá MAX1

MAX1 er dreifingaraðili Nokian Tyres á Íslandi og sala á Nokian Hakkapeliitta 01 er hafin. Naglar eru leyfðir frá 1. nóvember til 14. apríl — bókaðu umfelgun um leið og þú velur dekkin.