Nú styttist í NEXEN-drifterkeppnina, sem án efa mun vekja mikla athygli meðal allra akstursíþróttaáhugamanna hér á landi. Hér getur þú lesið stutta kynningu á keppninni og skráð þig til leiks neðst á síðunni. Við minnum á að fjöldi þátttakenda er takmarkaður og því nauðsynlegt að skrá sig sem fyrst til að geta verið með.

Eins og menn muna fór fram samskonar keppni í fyrra á vegum Max1. Hún heppnaðist gríðarlega vel og var talið að um það bil 1200 áhorfendur hefðu komið til að fylgjast með keppninni.

Drifter er enska orðið yfir flakkara og raunar reknetabát einnig. Bæði í ensku og íslensku þýðir drift snjóföl eða drífa, nýfallinn snjór og stefnulaust rek eða fjúk, sem e.t.v. lýsir leikreglum Drifterkeppninnar hvað best því hún felst í eins konar „freestyle akstri“ með kröftugu spóli í hringi og skriði (slide) eftir brautinni innan tímamarka.

Keppnishaldarar NEXENdrifterkeppninnar verða BÍKR (Bifreiðaíþróttaklúbbur Reykjavíkur) og Max1 Bílavaktin í Reykjavík í samstarfi við dekkjaframleiðandann NEXEN, sem jafnframt er aðalstyrktaraðili keppninar.

Keppnin hefst kl. 16.00 laugardaginn 29. júlí. Hún verður haldin á neðra bílaplani MS (Mjólkursamsölunar) við Bitruháls í Reykjavík.

brautina skal að hámarki taka 3-4 mínútur fyrir hvern keppanda.

Áhorfendur fá ákjósanlegan útsýnisstað á staðnum þar sem keppnin fer fram þar sem allir ættu að geta komið sér vel fyrir og notið þessarar frábæru skemmtunar. Nægur fjöldi bílastæða verður til staðar í nágrenninu. Selt verður inná keppnina og verður aðgangseyrir kr. 500,- en frítt fyrir 11 ára og yngri í fylgd forráðamanna.

NEXEN, aðalstyrktaraðili keppninnar, gefur vegleg verðlaun fyrir fyrstu þrjú sætin.
1.-3. sæti:  4 stk. dekk frá NEXEN af gerðinni N3000 og geta vinningshafar valið úr sex mismunandi stærðum dekkja í felgustærðinni: 16, 17 eða 18”.  
Tilþrifaverðlaun verða einnig veitt fyrir bestu tilþrif keppinnar og verða það 4 stk. 17” dekk frá NEXEN.

40% afsláttur af NEXEN dekkjum  til keppenda:  Max1 ákveðið að gefa þeim keppendum sem framvísa greiðslukvittun fyrir keppnisgjöldum 40% afslátt af NEXEN dekkjum fram að keppnisdegi. Mun þetta án efa auðvelda keppendum rekstarkostnað fyrir keppnina og í keppninni sjálfri. Keppendur eru beðnir að lesa reglur og skilyrði fyrir þátttöku vel og vandlega.

Keppnisstaður verður ekki tilkynntur fyrr en föstudaginn 21. júlí. Með öllu er óheimilt að keppendur og aðrir áhugamenn fari á mótsstað til æfinga og keppni utan formlegs keppnistíma, þ.e. þá viku sem líður frá tilkynningu þangað til keppni hefst. Öryggismyndavélar munu vakta svæðið og mun þeim sem brjóta þessa reglu verða skilyrðislaust vísað úr keppni.

Lengd brautarinnar verður um 500 metrar með tveimur frjálsum svæðum og stórum drifthring sem ekinn verður þrisvar í hverri umferð.

Tryggingar gagnvart þriðja aðila verða inntar að hendi af hálfu BÍKR samkvæmt reglum LÍA. Ennfremur mun BÍKR bjóða fram endurgjaldslausa aðstoð við að útvega keppendum svokallaða viðbótartryggingu á almenna tryggingu bílsins. BÍKR tryggir keppnina samkvæmt reglum LÍA fyrir tjóni á þriðja aðila.

Skilyrði fyrir þátttöku í keppninni eru:
1. Kvittun fyrir greiðslu þátttökugjalds.
2. Kvittun fyrir töku viðbótartryggingar.
3. Fullgild ökuréttindi (sýna þarf ökuskírteini).
4. Fullgild skoðun bifreiðar.
5. Viðurkenndur höfuðhjálmur fyrir akstursíþróttir.
6. Aðeins einn aðstoðarmaður má fylgja hverjum keppanda á sjálfu keppnissvæðinu.

Keppnisstjóri: Björn Ragnarsson.