Fólksbíladekk heilsárs

Nokian WR A3 er heilsársdekk í hópi þeirra bestu

Nokian WR A3 heilsársdekk er í hæsta gæðaflokki. Dekkið er margfaldur sigurvegari prófana hjá þýska bíltímaritinu "Auto Bild" þar sem því var gefin einkunnin “Til fyrirmyndar”. Auto Bild lofar Nokian WR A3 heilsársdekkið, en það státar af eiginleikum sem henta vel íslenskum aðstæðum. Dekkið er í grunninn vetrardekk en þar sem gúmmíblanda dekksins er sérsniðin fyrir akstur í -20°C til +20°C þýðir það á Íslandi hentar Nokian WR A3 mjög vel sem heilsársdekk. Dekkið býr jafnframt yfir frábærum eiginleikum í snjó og bleytu sem og á þurru yfirborði. 

Aðrir kostir Nokian WR A3 eru, m.a. stöðug stefnustjórnun, nákvæm stýring og stutt hemlunarvegalengd á blautu og þurru yfirborði vega. Til viðbótar er dekkið umhverfisvænt og eldsneytissparandi. Nokian dekkin eru finnsk gæðavara sem reglulega skipar efstu sæti í viðurkenndum dekkjaprófunum. Þau henta vel fyrir kröfuharða ökumenn.

Smelltu á myndbandið að neðan til að læra meira um Nokian WR A3 heilsársdekkið sem og systurdekk þess, Nokian WR D3 fyrir smærri bíla.

Ósamhverft mynstur

Nokian WR A3 heilsársdekkið er með ósamhverft innra og ytra mynstur sem veitir áreiðanlegt grip án þess að fórna eiginleikum við akstur á meiri hraða. Ytra yfirborðið er stífara og eykur stöðugleika. Innra yfirborð dekksins er hannað með þeim eiginleikum að fjarlægja vatn og krapa undan dekkinu svo grip verði áreiðanlegt.

Örtæknigrunnur hámarkar stöðugleika

Gúmmíblanda Nokian WR A3 dekksins, Cryogenic Canola blandan, er náttúruleg blanda af gúmmíi, kísli og canola olíu sem hámarkar vetrar- og sumargrip. Eins og áður sagði er dekkið er sérhannað fyrir -20°C til + 20°C og hefur því frábæra endingu á öllum árstíðum hér á Íslandi. Sóli dekksins er lagskiptur og eru bæði lögin eru úr gúmmíblöndunni. Neðra lagið er hins vegar frábrugði því efra að því leyti að það er búið til með örtækni. Örtæknigrunnur neðra lagsins bætir stýriseiginleika og stjórn dekksins þegar ekið er í beygjum og við snögg akgreinaskipti. Af þeim sökum njóta eiginleikar dekksins sín vel við stjórnun í erfiðum aðstæðum, t.d. í hálku á traustu undirlagi. 

Hljóðdeyfandi lína

Á hliðum Nokian WR D3 eru sérhönnuð hljóðdeyfandi lína (Silent Sidewall Technology). Línunni mætti lýsa sem nokkurs konar hljóðmúr - hún stöðva allt hljóð og titring sem flyst frá yfirborði vega yfir í sóla dekksins. Ávinningurinn er öruggara og hljóðlátara dekk sem gerir aksturinn ánægjulegri.

Hljóðdeyfandi rásir

Hljóðdeyfandi rásir, sem minna á yfirborð golfkúlu, draga úr veghljóði bæði innan og utan bílsins. Rásirnar sjá einnig um að kæla yfirborð dekkið með því að draga úr loftmótstöðu. Ending dekksins verður því betri en ella, aksturinn þægilegri og ökumaðurinn kemst fleiri kílómetra á sömu dekkjum.

Slitmerking fyrir aukið öryggi og þægindi

Öll dekk frá Nokian eru með merkingu á miðju dekksins sem segir til um slit þess. Þegar 4mm eru eftir af mynstri dekksins hverfur snjótáknið sem þýðir að dekkið er ekki lengur öruggt í snjó. Eftir því sem mynstur verður minna minnkar grip í bleytu og snjó.

Verðlaundekk frá Nokian

Nokian WR A3 heilsársdekkið hefur hlotið verðlaun frá ýmsum óháðum prófunaraðilum og tímaritum. Lestu hér umsagnir þeirra.

Myndir af WR A3 dekkinu

Hér að neðan birtast myndir af WR A3 dekkinu frá Nokian. Fyrst má sjá dekkið í notkun við ýmsar aðstæður en síðar eins og það kemur úr kassanum.

Hér að neðan má sjá dekkið eins og það kemur úr kassanum.