Max1 opnar við Jafnasel
Max1 bílavaktin hefur keypt rekstur og húsnæði Smur- og dekkjaþjónustunnar Breiðholti ehf við Jafnasel 6 í Reykjavík. Stöðin hefur þegar hafið starfsemi undir merkjum Max1 eftir talsverðar endurbætur á húsnæði, tækjabúnaði og fjölgun starfsmanna.

Sérsniðin þjónusta

Auk smur- og hjólbarðaþjónustu býður Max1 bílavaktin öllum bíleigendum uppá viðhalds- og viðgerðaþjónustu við bremsukerfi, dempara og rafgeyma ásamt því að skipt er um rúðuþurrkur, ljósaperur og fyllt á rúðuvöka. Þessi sérsniðna þjónusta Max1 bílavaktarinnar og það fyrirkomulag að aldrei þarf að panta tíma fyrir þjónustu eru án efa ástæða góðra viðbragða frá bíleigendum, en Max1 dregur nafn sitt af því að þjónustan tekur aldrei meira en klukkustund frá því að  hún hefst.

Aukið aðgengi

Sigurjón Ólafsson, framkvæmdastjóri Max1, segir kaupin á rekstrinum við Jafnasel vera lið í því markmiði Max1 að bæta þjónustu við bíleigendur á höfuðborgarsvæðinu.

„Þetta er fjórða þjónustustöðin, en fyrir eru Max1 stöðvar við Bíldshöfða 5a og 8 í Reykjavík og við Tryggvabraut á Akureyri. Með nýju stöðinni við Jafnasel getum við bætt þjónustuna enn við viðskiptavini okkar með bættu aðgengi þeirra að henni. Á sama tíma aukast gæðin þar sem gæðakröfur Max1 verða innleiddar á nýja staðnum,“ segir Sigurjón.