Hugaðu að frostleginum!
En til hvers er frostlögurinn? Það er algengur misskilningur að nægjanlegt sé að hafa bara nógu mikið af frostlegi á bílnum, þá sé allt í fínu lagi því þá frjósi ekki. Málið er hinsvegar flóknara en svo því frostlögur hefur í það minnsta fimmfaldan tilgang í nútímabíl. Frostlögur er kælivökvi sem er mikilvægur fyrir vélina, frostlögur í réttu hlutfalli kemur líka í veg fyrir tæringu í vatnskassa, frostlögur kemur í veg fyrir að það frjósi í vatnskassanum í miklu frosti, frostlögurinn hækkar suðumark vatnsins og kemur í veg fyrir uppgufun að miklu leiti. En til þess að allt þetta náist fram þarf frostlögur fyrst og fremst að vera rétt blandaður og þar klikka margir.

Rétt blanda er lykilinn að góðri heilsu kælikerfisins

Vandræði í kælikerfum geta verið margskonar, bílar geta glímt við stíflur, ofhitnun, leka og ryð. Til að vinna bót á þessu er eins og áður segir nauðsynlegt að blanda frostlögin í réttu hlutfalli sem er helmingur af vatni á móti helming af frostlegi. Þannig næst besta vörnin og góð heilsa kælikerfisins er tryggð eins og framast er unnt.

Algengt er að fólk bæti eingöngu vatni á kælikerfið á bílum sem leka örlítið. Þetta hefur þau áhrif að blandan þynnist með tímanum og ryðvarnaráhrifin eru þá fljót að þverra sem fljótt getur skilað rauðbrúnu vatni í vatnskassann.

Skipta þarf reglulega um frostlög

Þá er afar mikilvægt að frostþol sé mælt reglulega á bílum því það er eina góða leiðin til að sjá hvort frostlögurinn sé rétt blandaður og virkni hans góð. Reyndar er algengt að of sjaldan sé skipt um frostlög á bílum en hann ber að skipta um á tveggja til þriggja ára fresti. Spurðu þig eftirfarandi spurningar - hvenær var skipt um frostlög á mínum bíl síðast– ef þú veist ekki svarið og bíllinn er eldri en þriggja ára er best að láta mæla frostlögin og það er hægt fá gert hjá Max1. Munið líka að frostlögur er spilliefni og því ber að fylgja ákveðnum reglum við förgun og að auki er frostlögur hættulegur ef ekki er rétt með hann farið.