Um síðustu helgi hófst innleiðing hjá Max1 á nýju upplýsingatæknikerfi sem var þróað í nánu samstarfi við hugbúnaðarfyrirtækið Annata. Kerfið sem um ræðir er Annata IDMS (Import and Dealer Management System) - Microsoft Dynamics™ AX og er það sérsniðin heildarlausn sem mætir að fullu þörfum Max1 Bílavaktar.

Fjöldi nýrra þjónustuþátta

Kerfinu er ætlað að hjálpa Max1 að veita viðskiptavinum enn betri þjónustu og verður meðal annars hægt að innleiða fjölda nýrra þjónustuþátta sem munu gera lífið hjá viðskiptavinum auðveldara. Max1 býður margskonar hraðþjónustu eins og rafgeyma-, dempara-, smur-, hjólbarða- og bremsuþjónustu. Auk þess leigir Max1 til að mynda bíla út á meðan á viðgerð stendur svo viðskiptavinir geti forðast óþægindi þegar sinna þarf viðhaldi bíls. Með nýja upplýsingatæknikerfinu getur Max1 nú bókað bílaleigubíl um leið og hraðþjónusta er bókuð fyrir viðskiptavin og kerfið mun svo sjá um að minna viðskiptavinin á skoðunartímann, allt í sama kerfinu.

Innleiðing kerfisins hefur gengið framar vonum og virkaði kerfið hnökralaust á fyrsta vinnudegi en þar sem margs er að gæta við innleiðingu af þessari stærðargráðu eru viðskiptavinir okkar beðnir velvirðingar ef tafir eða óþægindi hljótast af þessu.