Þegar sumri er tekið að halla er mikilvægt að huga að vetrarvörnum bílsins. Veturinn getur leikið bílinn grátt.

Bíllinn þinn þarf að vera búinn undir snarpar sveiflur í hitastigi. Næsturfrostið getur orðið ansi napurt um þetta leyti árs og með versnandi færð og skyggni verða öryggismálin einnig að vera í lagi.

Þú losnar jafnframt undan örtröðinni sem myndast yfirleitt í fyrsta snjónum eða hálkunni, með því að huga tímanlega að vetrarundirbúningi.

Við aðstoðum þig. Max1 tékklistinn hér að neðan gefur góða mynd af því helsta, sem huga þarf að í undirbúningi bílsins fyrir veturinn.

Allar nánari upplýsingar og aðstoð færðu hratt og örugglega hjá Max1.

Tékklisti Max1 fyrir veturinn:

• Rafgeymir
Láttu okkur álagsmæla rafgeyminn, þér að kostnaðarlausu. Ef þú ert ekki með þurrgeymi, þarf einnig að mæla vökvahæð geymisins.
Kuldi á almennt séð illa við rafgeyma í bílum og þeim mun slakari sem geymirinn er, þeim mun „kulsæknari“ verður hann - með þeim afleiðingum að bíllinn startar ekki einn frostkaldan haustmorguninn.


• Rúðuþurrkur/Rúðuvökvi
Athugaðu hvort kominn sé tími á rúðuþurrkurnar. Í frosti er auðveldara að losa ný þurrkublöð af framrúðunni og þau skemmast síður. Góðar rúðuþurrkur eru lykilatriði fyrir öryggi bílsins í rigningu, snjó og slabbi.

Þá er ekki síður mikilvægt að vera alltaf með nóg af frostþolnum rúðuvökva, sem ver sprautumótorinn gegn frostskemmdum og auðveldar þér að hreinsa tjöru af framrúðunni.


• Frostlögur og frostþol
Sjálfsagður liður í undirbúningi fyrir veturinn, svo sjálfsagður að hann vill jafnvel gleymast. Frostlögur glatar eiginleikum sínum smám saman, með þeim afleiðingum að tæringarvörn vökvans verður sífellt minni. Framleiðendur ráðleggja frostlagarskipti á ákveðnu árabili, allt eftir gerð frostlagarins. Vertu viss. Láttu okkur mæla frostþol kælivökvans, þér að kostnaðarlausu.


• Vetrardekk
Nagladekk eða ekki. Valið þarna á milli fer eftir aðstæðum og áherslum hvers og eins. Fyrir þá sem eru ekki á nöglum er mikilvægt að hafa hugfast, að góð vetrardekk eru frábrugðin sumardekkjum/ heilsársdekkjum. Gúmmíið í þeim er t.d. mýkra og mynstrið lagað sérstaklega að bættu veggripi í bleytu og krapi.

Kíktu á úrvalið og verðið hjá Max1. Forðastu örtröðina sem myndast í fyrstu hálku eða snjó vetrarins. Þetta gamla, góða ráð er enn í fullu gildi. Komdu núna og láttu okkur skipta um dekkin, ef þú notar naglalaus vetrardekk eða heilsársdekk.
Þú getur sparað þér bæði dýrmætan tíma og fjármuni og ert auk þess á réttu dekkjunum um leið og færðin versnar.

Notkun nagladekkja er heimil frá og með 1. nóvember n.k.nema veðrátta gefi ástæðu til annars.


• Bremsur
Í vetrarfærð reynir iðulega verulega á bremsurnar. Ef borðar eða klossar eru orðnir tæpir, þá er mikilvægt að huga að endurnýjun þeirra fyrir veturinn. Fáðu álit sérfræðingsins hjá Max1.


• Ljósaperur
Í skammdeginu gegna bílljósin lykilhlutverki fyrir bæði öryggi þitt og annarra í umferðinni. Láttu athuga öll ljósin reglulega og gættu þess að þrífa reglulega af tjöruna sem sest á þau.


• Olía og smurning
Er nokkuð kominn tími á olíuna? Reglubundin skipti á smurolíu og smurolíusíum eru afar mikilvæg fyrir vél bílsins og endingu hennar. Léleg olía veldur ótímabæru sliti á vélinni, ekki hvað síst þegar startað er á frostköldum morgnum. Settu Max1 í olíumálin.