Max1 aðalstyrktaraðili Íslandsmeistaramótsins í ralli 2008

 

Max1 var aðalstyrktaraðili Íslands- meistaramótsins í ralli sem gekk nú undir nafninu Pirelli mótaröðin í ralli. Lokaáfangi mótsins var Alþjóðarallið sem fram fór í Reykjavík og nágrenni, um síðustu helgi í 29. skipti. Þessi síðasti hluti Pirelli móta- raðarinnar 2008 heppnaðist vel þrátt fyrir heldur skrykkjótt veðurfar.

Sigruðu með naumindum

Að þessu sinni voru það Jón Bjarni Hrólfsson og Borgar Ólafsson á Mitsubishi Lancer EVO 7 sem náðu að sigra Alþjóðarallið aðeins hársbreidd á undan næstu mönnum, þeim Sigurði Braga Guðmundssyni og Ísak Guðjónssyni. Þrátt fyrir annað sætið náðu Sigurður og Ísak að tryggja sér sigur í Pirelli mótaröðinni.

Erfið barátta fram á síðustu stundu

Alls tóku 33 keppendur þátt í Alþjóðarallinu, sem hófst á Austurvelli og lauk við Perluna eftir þriggja daga hörkubaráttu. Farið var um 1.050 km leiðarkafla m.a. í Rangárþingi ytra og Kaldadal en þar af voru 326 km á sérleiðum m.a. á Reykjanesi og í Gufunesi. Aðeins tuttugu áhafnir náðu í mark en margir lentu í vandræðum á leiðinni.


Nánari upplýsingar um mótið