Nokkrir starfsmenn frá Max1 lögðu í ferðalag yfir Atlantshafið, nánar tiltekið til Finnlands. Þangað fóru þeir til dekkjaframleiðandans Nokian til að kynna sér vetrardekk við hinar „fullkomnu aðstæður“. Enda er engu til sparað til að geta boðið uppá úrvals dekk, sem henta íslenskum aðstæðum, á Max1.

Vandað til verksins
Hópurinn frá Max1 lagði af stað í förina til Finnlands til að fá fyrirlestra um, og prófa af eigin raun mismunandi vetrardekk. Prufuakstrar fóru fram á þrem ísilögðum vötnum með mismunandi brautum hvert. Ein var kringlótt, önnur í hlykkjum og sú þriðja með hinu svokallaða elgsprófi. Til útskýringar þá fer elgsprófið fram á þann máta, að keyrt er á ákveðini ferð og svo snarneglt niður og lagt á (líkt og ef elgur væri á veginum). Ekið var um hverja braut á mismunandi bíl og var þá hægt að sjá sérstaka eiginleika hverrar dekkjategundar fyrir sig. Munurinn á dekkjunum fólst annarsvegar í munstrinu á dekkjunum og hinsvegar hvort þau voru negld eða ónegld. Þrátt fyrir að keyra á algjörlega hálum fleti mátti greina mikinn mun á eiginleikum dekkjanna og því úr vöndu að ráða.

Vel heppnuð ferð
Eftir ítarlegar prófanir á bílunum með alls konar hringsnúningum fundu starfsmenn Max1 hin ákjósanlegustu dekk er bera heitið WR G2.  Það eru ónegld heilsársdekk með sérstöku munstri sem gefur afar gott grip. Henta þau að mati starfsmannanna allra best fyrir hinar íslensku aðstæður. Búast má við dekkjunum í apríl á Max1.