Max1 með lægsta verð á þurrkublöðum
Í dagblaðinu 24 stundum birtast reglulega örfréttir frá Neytendasamtökunum undir heitinu Neytendavaktin, þar sem birtar eru verðkannanir samtakanna á hinni ýmsu vöru og þjónustu. Í vikunni birtist verðkönnun meðal helstu söluaðila á höfuðborgarsvæðinu þar sem kannað var verð á ódýrustu og dýrustu 60 cm löngu þurrkublöðunum. Samkvæmt þessari könnun Neytendasamtakanna er verðið lægst hjá Max1 og dýrast á Shellstöðvunum.

Sérsniðin þjónusta

Max1 bílavaktin er snarþjónusta fyrir tímabundna ökumenn. Hjá Max1 færðu smurþjónustu auk viðhalds- og viðgerðaþjónustu við bremsukerfi, dempara og rafgeyma ásamt því að skipt er um rúðuþurrkur, ljósaperur og fyllt á rúðuvöka. Þessi sérsniðna þjónusta Max1 bílavaktarinnar og það fyrirkomulag að aldrei þarf að panta tíma fyrir þjónustu eru án efa ástæða góðra viðbragða frá bíleigendum, en Max1 dregur nafn sitt af því að þjónustan tekur aldrei meira en klukkustund frá því að hún hefst.

5 starfsstöðvar

Max1 rekur tvær starfsstöðvar við Bíldshöfða, eina við Jafnasel og aðra við Knarrarvog í Reykjavík auk starfsstöðvar við Tryggvabraut á Akureyri.